ALTSGEYMER XƏSTƏLİYİNİN DİAQNOZU GÖZLƏRƏ ƏSASƏN QOYULACAQDIR
Yeni test Bostonun “Brighəm ənd Buməns Hospital”ında siçanlar üzərində uğurla sınaqdan keçirilmişdir. Tədqiqatçılar qısa impulsları infraqırmızı diapazonda sağlam gəmiricilərin və Altsgeymer xəstəliyinə tutulan siçanların göz büllüruna yönəldərək, xəstə heyvanları dəqiq müəyyənləşdirmişlər.
Hazırda kəmağıllıq diaqnostikasının insan həyatda olduğu vaxt üçün testləri yoxdur. Beynin xarakter dəyişiklərinin mövcudluğunu yalnız meyitin yarılması zamanı təsdiq etmək olar. Alimlər ümidvardırlar ki, işığın kvazielastik yayılmasına əsaslanan yeni üsulun köməyi ilə təkcə Altsgeymer xəstəliyini ilkin mərhələdə aşkara çıxarmaq deyil, həm də onun inkişafı prosesini müşahidə etmək və müalicənin səmərəliliyini qiymətləndirmək mümkün olacaqdır.
Bölmənin digər xəbərləri
