AMEA-da Qərbi Azərbaycanla bağlı iki cilddən ibarət olan ensiklopediya çapa hazırlanır
Bakı, 3 iyun, AZƏRTAC
Qısa müddət ərzində Azərbaycan Milli Elmlər Akademiyasında (AMEA) Qərbi Azərbaycanla bağlı ilk kitablar dəsti müxtəlif mövzularda çap olunub və ilk dissertasiyalar tamamlanmaq üzrədir. Bu istiqamətdə iş davam edir. Onların içərisində mən "İrəvan şəhəri necə varsa" adlı fundamental kitabın və onun təqdimatının, eyni zamanda, "Qərbi Azərbaycan dialektoloji atlası" adlı böyük bir atlasın çapa hazırlanmaqda olduğunu ayrıca qeyd eləmək istəyirəm.
AZƏRTAC xəbər verir ki, bunu AMEA-nın prezidenti akademik İsa Həbibbəyli Bakı Dövlət Universiteti (BDU) və Qərbi Azərbaycan İcmasının (QAİ) birgə təşkilatçılığı ilə keçirilən “Qərbi Azərbaycana qayıdış: milli ideyanın yeni mərhələsi kimi” mövzusunda I beynəlxalq elmi konfransda deyib.
O bildirib ki, Qərbi Azərbaycanla bağlı Azərbaycan Milli Elmlər Akademiyasında iki cilddən ibarət olan ensiklopediya çapa hazırlanmaq prosesindədir: “Artıq həmin ensiklopediyanın sözlüyünün müəyyən edilməsi üzərində iş başa çatıb. Mətnlərinin yazılması istiqamətində alimlərimiz işi davam etdirirlər”.
Bölmənin digər xəbərləri
