AMERİKA AKTYORU CEYMİ FOKS TAYSONUN HƏYATI BARƏDƏ FİLMDƏ ÇƏKİLMƏK ARZUSUNDADIR
AZƏRTAC xarici informasiya agentliklərinə istinadla xəbər verir ki, “Əli”, “Rey”, “Stels” filmlərindəki rolları ilə məşhur olan Amerika aktyoru Ceymi Foks daha bir filmin yaranmasında iştirak etmək niyyətindədir. O, super ağırçəkili sabiq dünya çempionu Mayk Tayson haqqında filmdə çəkilməyi arzulayır. Foks demişdir: “Zənnimcə, Mayk Taysonun həyatı ekranlaşdırılmalıdır. Mayk barədə mənim bildiklərimi heç kim bilmir. Bu, çox maraqlı materialdır. Özü də o, qarşısındakını dinləməyə məcbur edən ibarələrlə danışır”.
Foksun sözlərinə görə, bu yaxınlarda Taysonla görüşü olmuşdur. Tayson ona demişdir ki, pul sarıdan korluq çəksə də, xoşbəxtdir. Lakin pulsuzluq çempionu qətiyyən narahat etmir və Tayson heç kəsin ona ziyan vurmağa və onu aldatmağa çalışmadığına da şaddır.
Bölmənin digər xəbərləri
