AMERİKA-ƏRƏB HÜQUQ MÜDAFİƏÇİLƏRİ AĞ EVİ MƏHKƏMƏYƏ VERMİŞLƏR
Komitənin hüquq müdafiəçilərinin fikrincə, ölkə rəhbərliyi ABŞ-ın Livandakı vətəndaşlarının müdafiəsi üçün lazımi tədbirlər görmədi. Halbuki onlarlın həyatı İsrailin Livana müdaxiləsi zamanı təhlükə qarşısında qalmışdı. Komitənin vəkili Nəbi Əyyad demişdir: “Biz öz təhlükəsizliyindən narahat olan vətəndaşlarımızın adından iddia veririk”.
İddia verənlər ABŞ vətəndaşları Livan ərazisindən çıxarılana qədər Ağ evin İsrailə hərbi yardım göstərməsinin məhkəmə vasitəsilə qadağan edilməsinə nail olmaq istəyirlər.
Bu məhkəmə işində dövlət katibi Kondoliza Rays və müdafiə naziri Donald Ramsfeld ittiham olunanlar qismində çıxış edirlər. ABŞ vətəndaşlarının Livandan köçürülməsinin yarıtmaz təşkilinə görə təqsir onların və bütün Buş hökumətinin üzərinə qoyulur. Hüquq müdafiəçiləri bildirmişlər ki, minlərlə amerikalı hələ də Livanın cənubunda İsrailin ardı-arası kəsilməyən zərbələri altındadır.
Dövlət Departamentinin məlumatına görə, hərbi əməliyyatlara qədər Livanda təxminən 25 min amerikalı vardı və iyulun 24-dək onların 13600 nəfəri oradan çıxarılmışdır.
Bölmənin digər xəbərləri
