Amerika kubokunda daha bir yarımfinalçı bəlli olub
Bakı, 18 iyun, AZƏRTAC
ABŞ-da keçirilən futbol üzrə Amerika kuboku yarışlarında daha bir yarımfinalçı müəyyənləşib.
AZƏRTAC xəbər verir ki, bu, dörddəbir finalda Perunu penaltilər seriyasında 4:2 hesabı ilə üstələyən Kolumbiya yığmasıdır. Növbəti mərhələdə rəqib Meksika-Çili matçının qalibi olacaq.
Daha öncə ABŞ Ekvadoru 2:1 hesabı ilə yenərək yarımfinala yüksəlmişdi. Təşkilatçı ölkə yarımfinalda Argentina-Venesuela qarşılaşmasının qalibi ilə üz-üzə gələcək.
Qeyd edək ki, son iki dörddəbir final matçı iyunun 19-da keçiriləcək.
Bölmənin digər xəbərləri
