AMERİKALILAR BEYNƏLXALQ TERRORİZMLƏ MÜBARİZƏDƏ QƏLƏBƏLƏR HAQQINDA ABŞ RƏHBƏRLİYİNİN BƏYANATLARINA ŞÜBHƏ İLƏ YANAŞIRLAR
Gellap tədqiqat xidmətinin apardığı sorğunun nəticələrinə görə, hazırda vətəndaşların yalnız 35 faizi hesab edir ki, ABŞ və onun müttəfiqləri terrorçulara üstün gəlirlər. Rəyi soruşulanların 44 faizi bildirmişdir ki, bu müharibədə tərəflərin heç biri qalib gəlmir, 18 faizi isə əmindir ki, terrorçular qalib gəlirlər. Gellapın tədqiqatında qeyd olunur ki, hətta bu yaxınlarda eyni vaxtda bir neçə təyyarəni partlatmaq məqsədi ilə hazırlanmış sui-qəsdin üstünü açmış Britaniya xüsusi xidmət orqanlarının müvəffəqiyyəti terrorizmlə mübarizənin yaxın perspektivləri barəsində amerikalıların bədbinliyini dəyişə bilməmişdir.
Bu xidmət 2001-ci il 11 sentyabr teraktlarından dərhal sonra terrora qarşı müharibədə kimin qalib gəldiyi haqqında müntəzəm rəy sorğusu keçirməyə başlamışdır. Gellap ekspertləri cavabları təhlil edərək, belə nəticəyə gəlmişlər ki, amerikalıların nikbinliyinin təzahürləri ABŞ-ın iri hərbi əməliyyatları başlanandan dərhal sonra qısa müddət ərzində özünü büruzə verir. Məsələn, sorğuda iştirak edənlərin 65 faizindən çoxu əmin olduğunu bildirmişdir ki, 2001-ci ilin oktyabrında və 2003-ci ilin martında ABŞ-ın müvafiq olaraq Əfqanıstana və İraqa müdaxiləsi başlananda Amerika və onun müttəfiqləri qalib gələcəklər. Demək olar, son iki il ərzində Gellap xidməti qeyd edir ki, oxşar əhvali-ruhiyyə 2002-ci ilin oktyabrında qeydə alınmış ən aşağı səviyyə - 32 faizə yaxındır.
Bölmənin digər xəbərləri
