AMERİKALILAR ŞUMER PADŞAHININ HEYKƏLİNİ İRAQA QAYTARDILAR
Güman edilir ki, dioritdən (qranitəbənzər materialdan) hazırlanmış çoxtonluq heykəl sərhəddən keçirilərək, Suriyaya aparılmış və beynəlxalq antikvar bazarına çıxarılmışdır. Heykəlin təxmini yaşı 4400 ildir.
Məxfi əməliyyatın təfərrüatı ABŞ hökümət orqanları tərəfindən açıqlanmır, lakin ekspertlər güman edirlər ki, artıq o vaxt ABŞ ərazisində olan heykəli tapmaq üçün xüsusi xidmət orqanları qaçaqmalçıları, art-dilerləri və vasitəçiləri izləməyə müvəffəq olmuşlar.
İraqdakı koalisiya qoşunları ən qədim bəşər sivilizasiyasına aid olan artefaktları oğurlamış qarətçilərə mane ola bilmədiklərinə görə dəfələrlə tənqid edilmişlər.
Bölmənin digər xəbərləri
