AMSTERDAM HAVA LİMANINDA HALLÜSİNOGEN ŞOKOLAD TAPILMIŞDIR
Bu qəribə fakt evsiz-eşiksiz bir kişinin şokolad yeyərək, özünü son dərəcə qeyri-adi aparmağa başladığı, o cümlədən polis uniformasını gəlinlik donu hesab etdiyi vaxt məlum olmuşdur. Asayiş keşikçiləri bu vəziyyəti araşdırmaq qərarına gəlmiş və şokoladı tibbi ekspertizaya göndərmişlər.
Tədqiqatın nəticələri göstərmişdir ki, bu 72 faizli qara şokoladın tərkibində psilosin maddəsi - əksər ölkələrdə ağır narkotik hesab olunan hallüsinogen göbələklərin fəal inqrediyenti varmış. Bir qədər sonra polislər yerdə və hava limanının zibil qutularında bu cür şokolad plitkaları aşkar etmişlər.
Polis ictimaiyyətə xəbərdarlıq etmişdir ki, qadağan olunmuş şokoladı yemək təhlükəlidir.
Hallüsinogen göbələklərin bəzi növləri Hollandiya paytaxtındakı xüsusi kafe-şoplarda sərbəst satılır, lakin onların tərkibinə daxil olan fəal təsirli maddələri hər hansı digər ərzaq məhsullarına əlavə etmək qanuna görə qadağandır.
Bölmənin digər xəbərləri
