Amsterdamda təyyarə uçuşları texniki səbəbdən ləngiyir
Bakı, 21 noyabr, AZƏRTAC
Amsterdamda Avropanın ən böyük aeroportlarından olan Schiphol təyyarə limanında onlarla uçuş texniki səbəbdən ləngiyir.
AZƏRTAC xəbər verir ki, bu barədə məlumat aeroportun saytında yer alıb. Son təyyarə uşusu yerli vaxtla saat 12:45-də (Bakı vaxtı ilə saat 15:45) həyata keçirilib.
“Niderlandın dispetçer xidməti sistem səhvi ilə üzləşib. Aeroportun buraxılış qabiliyyəti azalıb”, - hava limanının nümayəndələri Twitter hesabında belə yazıblar. Onların sözlərinə görə, problem aeroportun radiolokasiya sistemi ilə əlaqədardır. Hazırda dispetçerlər nasazlığın aradan qaldırılması üzərində çalışırlar. Lakin aeroportun nə vaxt ştat rejimində işləyəcəyi məlum deyil.
Bölmənin digər xəbərləri
