Anar İsrafilov: Vərəmlə bağlı müayinələrin yerlərdə profilaktik qurğularla aparılmasını planlayırıq
Bakı, 4 oktyabr, AZƏRTAC
Vərəmlə bağlı müayinələrin yerlərdə profilaktik qurğularla aparılmasını planlayırıq. Xəstəliyin aradan qaldırılmasında mütəşəkkillik çox vacibdir.
AZƏRTAC xəbər verir ki, bunu TƏBİB-in İcraçı direktorunun müavini Anar İsrafilov Ümumdünya Ağciyər Sağlamlığı Gününə həsr olunmuş beynəlxalq elmi-praktik konfransda çıxışı zamanı deyib.
O, vərəmlə mübarizənin dünyada aktual problemlərdən biri olduğunu, Ümumdünya Səhiyyə Təşkilatının, bir çox təşkilat və dövlətlərin səylərinə baxmayaraq, gündəlik 4000-4500 insanın həmin xəstəlikdən həyatını itirdiyini, onlardan 600-700-nün uşaqlar olduğunu diqqətə çatdırıb: “Bu, problemin miqyasını bizə göstərir, daha əzmlə və mütəşəkkil çalışmağa sövq edir”.
Ölkəmizdə vərəmlə mübarizə tədbirlərindən bəhs edən A.İsrafilov müsbət nəticələrin də müşahidə edildiyini bildirib: "Sumqayıtda xəstələrin dərmanları birbaşa evlərinə çatdırılır və videokonfrans vasitəsilə qeydə alınır. Bu da yoluxmanın qarşısının alınması üçün çox önəmlidir”.
Bölmənin digər xəbərləri
