Ankarada Türkiyə və Azərbaycan gənclərinin yaşıl gələcək naminə həmrəylik forumu keçiriləcək
Ankara, 23 oktyabr, AZƏRTAC
Oktyabrın 25-də Ankara Şəhər Şurası Yaşıl Gələcək Naminə Türkiyə-Azərbaycan Gənclərinin Həmrəylik Forumuna ev sahibliyi edəcək.
AZƏRTAC xəbər verir ki, tədbir Azərbaycan Gənclər Fondu, Ankara Şəhər Şurası, Azərbaycan Gənclərinin Təşəbbüslərinə və İnkişafına Dəstək İctimai Birliyi, Türkiyənin İnternet Media Strukturları Birliyi və “Azərbaycan-Türk Evi”nin birgə təşkilatçılığı ilə keçiriləcək.
Tədbir iştirakçıları ətraf mühitə qayğı kontekstində iki qardaş ölkənin gənc nəsli arasında əməkdaşlığın dərinləşdirilməsi yollarını və BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) məqsədlərini müzakirə edəcəklər.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
