Antidopinq universitetlərdə xüsusi fənn kimi tədris oluna bilər
Bakı, 29 dekabr, AZƏRTAC
Antidopinq bəzi ali təhsil müəssisələrində xüsusi fənn kimi tədris oluna bilər.
AZƏRTAC xəbər verir ki, bu barədə Azərbaycan Milli Antidopinq Agentliyinin (AMADA) icraçı direktoru Təhminə Tağı-zadə "Narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizənin hüquqi, tibbi və sosial aspektləri" mövzusunda dəyirmi masada çıxışı zamanı məlumat verib.
O bildirib ki, məsələ ilə bağlı Elm və Təhsil Nazirliyinə rəsmi müraciət ünvanlanacaq: "Artıq həmin müraciət hazırlanır. İstərdik ki, hüquq və tibb fakültəsi olan universitetlərdə antidopinq fənn kimi tədris olunsun. Çünki AMADA olaraq, bizim səlahiyyətlərimiz o qədər də geniş deyil. Dopinqlə mübarizədə hüquq-mühafizə orqanları və Səhiyyə Nazirliyi ilə əməkdaşlıq edirik".
Bölmənin digər xəbərləri
