Antropogen faktorların nəticəsi: yüksələn temperatur və əriyən buzlaqlar
Bakı, 22 fevral, AZƏRTAC
ABŞ-ın Kaliforniya Universitetinin alimlərinin araşdırmalarına görə, Kanadanın Arktik buzlaqlarında ərimə son on ildə 9 dəfə artıb. Bu, dənizdə suyun səviyyəsinə əhəmiyyətli dərəcədə təsir edir.
AZƏRTAC sciencedaily.com saytına istinadla xəbər verir ki, 2005-ci ildən 2015-ci ilə qədər Kraliça Elizabet adalarında əriyən səth buzlarında 3 geqatondan 30 geqatona qədər artım müşahidə olunub. Əslində 2005-ci ilə qədər buzların əriməsi iki əsas amilin təsirindən qaynaqlanırdı. Əsas səbəb kimi buzlaq cəbhələrindəki aysberqlərin okeanlarda parçalanması üstünlük təşkil edirdi. İkinci amil isə havanın təsirinə məruz qalaraq buzlaqların səthinin əriməsi idi. Lakin getdikcə yüksələn atmosfer temperaturu səthi ərimənin 90 faizini təşkil edir.
Bölmənin digər xəbərləri
