ARDNŞ CARİ İLİN YANVAR AYINDA 433,6 MİLYON KUBMETR TƏBİİ QAZ HASİL ETMİŞDİR

09.02.2004 [11:37]
Çap et
A⁺ A^-

Azərbaycan Dövlət Neft Şirkətinin müəssisələri 2004-cü ilin yanvar ayında 409,2 milyon kubmetr əvəzinə, 433,6 milyon kubmetr təbii qaz hasil etmişdir. Bu da aylıq tapşırıqdan 6 faiz çoxdur. Keçən ilin müvafiq dövrü ilə müqayisədə isə qaz hasilatı 1,1 faiz artmışdır.

Şirkətdən AZƏRTAC-ın müxbirinə verilən məlumata görə, hasil edilmiş qazın 332,4 milyon kubmetri (aylıq proqnozdan əlavə 7,8 milyon kubmetr) “Azneft” İstehsalat Birliyinin neft-qazçıxarma idarələrinin, 12,4 milyon kubmetri (proqnozdan 4,8 milyon kubmetr artıq) müştərək müəssisələrin və əməliyyat şirkətlərinin, 88,8 milyon kubmetri (əlavə 11,8 milyon kubmetr) konsorsiuma daxil olan şirkətlərin payına düşür.

Aylıq tapşırığı birlik 102,4 faiz, müştərək müəssisələr və əməliyyat şirkətləri 163,2 faiz, konsorsium (ABƏŞ) isə 115,3 faiz yerinə yetirmişdir.