ARDNŞ Gül bayramında orijinal kompozisiya ilə iştirak edəcəkdir
Bakı, 6 may (AZƏRTAC). Azərbaycan Respublikası Dövlət Neft Şirkətinin (ARDNŞ) mətbuat xidmətindən AZƏRTAC-a verilən məlumata görə, mayın 10-da Bakı Şəhər İcra Hakimiyyətinin təşkilatçılığı ilə Heydər Əliyev Sarayının qarşısındakı parkda keçiriləcək Gül bayramında şirkət “Qız qalası” kompozisiyası ilə iştirak edəcəkdir.
Müasir Azərbaycan dövlətinin memarı və qurucusu Heydər Əliyevin anadan olmasının 88-ci ildönümü münasibətilə təbii qərənfil və qızılgüllərdən hazırlanmış maket yüksək səviyyəli tərtibatı və orijinallığı ilə seçilir.
Xatırladaq ki, mayın 2-də ARDNŞ və Səbail Rayon İcra Hakimiyyətinin birgə təşkilatçılığı ilə “Sahil” bağında keçirilmiş Gül bayramında şirkətə məxsus mədəniyyət sarayları və uşaq bağçalarında hazırlanmış gül kompozisiyaları tamaşaçılar tərəfindən maraqla qarşılanmışdır.
Bölmənin digər xəbərləri
