Arif Rəhimov: Bu dəfə də Azərbaycan Qran-Prisində “Bakı sindromu” qırılmadı
Bakı, 12 iyun, AZƏRTAC
Formula 1 Azərbaycan Qran-Prisi çox uğurlu keçdi. Heç bir problemlə üzləşmədik. Altıncı Qran-Pridə "Red Bull Racing" komandasının pilotu Maks Ferstappen qalib oldu. Hər il müxtəlif qaliblər görürük. Bu dəfə də Azərbaycan Qran-Prisində “Bakı sindromu” qırılmadı".
AZƏRTAC xəbər verir ki, bunu Bakı Şəhər Halqası Əməliyyat Şirkətinin icraçı direktoru Arif Rəhimov Formula 1 Azərbaycan Qran-prisi ilə bağlı danışarkən deyib.
A.Rəhimov əvvəlcədən "Red Bull Racing" komandasını favorit saydığını söyləyib: "Mən fikirləşirdim ki, Maks Ferstappen, ya da onun komanda yoldaşı Serxio Peres qalib olacaq”.
Qeyd edək ki, Maks Ferstappen 2022-ci il Formula 1 Azərbaycan Qran-Prisinin qalibi olub.
Bölmənin digər xəbərləri
