ARTİLLERİYA ANBARLARINDA PARTLAYIŞLAR DAYANMIŞDIR
Partlayışların dayanmasına baxmayaraq, fövqəladə hadisənin nəticələrinin aradan qaldırılması üçün yaradılmış qərargah hələlik hərbi bazanın ərazisinə zirehsiz texnikanı buraxmamaq qərarına gəlmişdir.
Xarkov-Simferopol yolunun əvvəl bağlanmış sahəsi avtonəqliyyat üçün açılmışdır. Həmçinin Fyodorovka stansiyasından keçən dəmir yolunda hərəkət bərpa olunmuşdur, lakin hələlik yalnız yük qatarları üçün.
Xatırladaq ki, avqustun 19-da döyüş sursatı anbarlarında havanın yüksək temperaturu nəticəsində partlayış olmuş və sonra yanğın başlanmışdır.
Hadisə nəticəsində 4 nəfər xəsarət almışdır. Hərbi hissənin ərazisindən bütün işçilər və yaxınlıqda yaşayan kənd sakinləri köçürülmüşlər.
Bölmənin digər xəbərləri
