Bakı, 2 fevral, AZƏRTAC

Futbol üzrə Asiya Kubokunda 1/4 final mərhələsinə start verilib.

AZƏRTAC xəbər verir ki, bu raundun açılış oyununda Tacikistan və İordaniya yığmaları qarşılaşıblar.

Matçın taleyini bir qol həll edib. Vahdat Hanonovun 66-cı dəqiqədə öz qapısına vurduğu top İordaniya millisini yarımfinala yüksəldib.

Qeyd edək ki, günün digər matçında Avstraliya seçməsi Cənubi Koreyanı sınağa çəkəcək.