ATLETİKA ÜZRƏ BAKI ŞƏHƏR AÇIQ ÇEMPİONATI BAŞA ÇATMIŞDIR
Bakı, 28 yanvar (AZƏRTAC). Respublika Olimpiya Mərkəzinin manejində keçirilən Bakı şəhər açıq çempionatı başa çatmışdır. Yarışda Azərbaycan idmançıları ilə yanaşı hazırda ölkəmizdə təlim-məşq toplanışı keçirən Gürcüstan atletləri də iştirak etmişlər.
Azərbaycan Atletika Federasiyasından bildirmişlər ki, hündürlüyə tullanmada Tural Babayev, üç təkanla tullanmada Leyla Paşayeva, Murad İbadullayev, yadro itələmədə Lalə Ələsgərova, Ruslan Məlikov, 1500 metr məsafəyə qaçışda Pərvanə Şirvanlı, Rəşad Mədətov, 400 metr məsafəyə qaçış üzrə Elen Rzayeva, İbrahim Əhmədov, 60 metr məsafəyə qaçışda Alyona Setina, Kiril Mamontov, uzunluğa tullanmada Leyla Paşayeva, Boleslav Sxilatze, 60 metr məsafəyə sədlərlə qaçışda David İlariani, 800 metr məsafəyə qaçışda Natalya Strelkova, Faiq Bağırov, 200 metr məsafəyə qaçış üzrə Alyona Setina, Denis Jvaniya, 3000 metr məsafəyə qaçışda Mahirə İsmaylova, Gigiya Zilberşteyn birinci yerləri tutmuşlar.
Bölmənin digər xəbərləri
