Avropa çempionatında yunan-Roma güləşçilərinin mübarizəsi başlayır
Zrenyanin, 13 mart, AZƏRTAC
Serbiyanın Zrenyanin şəhərində keçirilən güləş üzrə U-23 Avropa çempionatı davam edir.
AZƏRTAC xəbər verir ki, yarışın beşinci günündə Azərbaycanın yunan-Roma güləşçiləri xalça üzərinə çıxacaqlar.
Fərid Sadıqlı (55 kiloqram), İlkin Qurbanov (63 kiloqram), Rəvan Nuriyev (77 kiloqram) və Ayxan Mərdanov (130 kiloqram) mübarizəyə təsnifat, Səid Axundzadə (87 kiloqram) isə 1/8 final mərhələsindən başlayacaq.
Bu gün, həmçinin qadın güləşçi Ruzanna Məmmədova (62 kiloqram) finalda rusiyalı Amina Tandelova ilə münasibətlərini aydınlaşdıracaq.
Qeyd edək ki, Azərbaycan turnirdə indiyədək 2-si qızıl, 5-i gümüş və 3-ü bürünc olmaqla ümumilikdə 10 medal qazanıb.
Müxbir - Cavid Əliyev
Bölmənin digər xəbərləri
