Avropa İttifaqı Ukraynadan vergi qanunvericiliyinin sərtləşdirilməsini tələb edə bilər
Bakı, 19 may, AZƏRTAC
Avropa İttifaqı Ukraynaya ayrılması nəzərdə tutulan 90 milyard avroluq yardım paketinin bir hissəsini vergi islahatları ilə əlaqələndirə bilər.
AZƏRTAC xəbər verir ki, “Bloomberg” agentliyi bu barədə mənbələrinə istinadla məlumat yayıb. Məlumata görə, burada 8,4 milyard avroluq makromaliyyə yardımından söhbət gedir. Kiyev vəsaiti əldə etmək üçün xaricdən göndərilən bağlamalara tətbiq olunan 20 faizlik əlavə dəyər vergisinin əhatə dairəsini genişləndirən qanun qəbul etməlidir. Bu tələb Beynəlxalq Valyuta Fondunun Ukraynaya ayrılacaq növbəti 700 milyon avroluq tranşı ilə bağlı şərtlərə uyğundur.
Ukrayna ilk tranşı iyunda, ikinci ödənişi sentyabrda, üçüncü hissəni isə ilin sonunadək ala bilər. “Bloomberg” qeyd edir ki, sözügedən vergi dəyişiklikləri Ukrayna cəmiyyətində ciddi narazılıq doğurur. Bu səbəbdən Ali Radanın qanun layihəsini təsdiqləyib-təsdiqləməyəcəyi hələlik məlum deyil.
Bölmənin digər xəbərləri
