AVROPA İTTİFAQINDA SƏDRLİK FİNLANDİYAYA KEÇDİ
Finlandiyanın Baş naziri Matti Vanhanen bildirmişdir ki, onun ölkəsinin sədrliyi zamanı diqqət, ilk növbədə, Aİ-nin gələcəyinə, rəqabət qabiliyyətinə, beynəlxalq münasibətlərə, daxili siyasətə, qanunçuluq məsələlərinə yönəldiləcəkdir.
Vanhanen sədrliyi qəbul edərkən demişdir: “İnsanlar qərarların kimlər tərəfindən və necə qəbul olunduğunu bilməlidirlər. Finlandiya öz sədrliyini açıq etməyə çalışacaqdır. Biz şəffaflıq ab-havası yaradacağıq”.
Finlandiyanın sədrliyi dövründə Bolqarıstan və Rumıniyanın Avropa İttifaqına daxil olmasının müddəti müəyyən olunmalıdır. Bundan başqa, Türkiyə və Xorvatiya ilə danışıqlar davam etdiriləcəkdir. Finlandiya Aİ-nin 2007-2013-cü illər üçün vahid büdcə-maliyyə siyasətinin hazırlanması ilə bağlı məsələləri də həll etməli olacaqdır.
Bölmənin digər xəbərləri
