Avropa İttifaqının müdafiə sektoruna investisiyaları 100 milyard avronu ötüb
Bakı, 2 sentyabr, AZƏRTAC
Avropa İttifaqı ölkələrinin 2024-cü ildə müdafiə sahəsinə ayırdığı investisiyalar rekord səviyyəyə - 106 milyard avroya çatıb.
AZƏRTAC xəbər verir ki, bu barədə Avropa Müdafiə Agentliyinin (EDA) Brüsseldə dərc olunan hesabatında deyilir.
Sənədə əsasən, müdafiə investisiyaları ümumi hərbi xərclərin 31 faizini təşkil edib ki, bu da Avropa Müdafiə Agentliyinin indiyədək qeydə aldığı ən yüksək göstəricidir.
Agentliyin məlumatına görə, bu tendensiya 2025-ci ildə də davam edəcək və müdafiə sahəsinə yatırılan investisiyaların həcmi təxminən 130 milyard avroya çatacaq.
Bölmənin digər xəbərləri
