Avropa Liqası: “Braqa” – “Qarabağ” oyununun hakimləri açıqlanıb
Bakı, 13 fevral, AZƏRTAC
UEFA Avropa Liqasının pley-off mərhələsində Portuqaliyada “Braqa” və “Qarabağ” komandaları arasında keçiriləcək ilk oyunun təyinatları açıqlanıb.
AZƏRTAC qitə futbol qurumunun rəsmi saytına istinadən xəbər verir ki, görüş Danimarkadan olan hakimlər briqadasına həvalə olunub.
Matçın referisi Morten Kroqa yan xətt hakimləri Vollenberq Rasmussen və Şteffen Bramsen kömək edəcəklər. Dördüncü hakim funksiyasını Mikkel Redder yerinə yetirəcək.
VAR hakimi Rob Diperink, onun köməkçisi isə Yonas Hansen olacaq.
Qeyd edək ki, fevralın 15-də “Munisipal” stadionunda keçiriləcək “Braqa” - “Qarabağ” matçı Bakı vaxtı ilə saat 00:00-da başlayacaq. Cavab qarşılaşması fevralın 22-də Bakıda Tofiq Bəhramov adına Respublika Stadionunda oynanılacaq.
Bölmənin digər xəbərləri
