AVSTRALİYADA BEN LADENİN YAXIN ADAMI HƏBS EDİLMİŞDİR

11.11.2005 [12:54]
Çap et
A⁺ A^-

AZƏRTAC-ın xüsusi müxbiri xəbər verir ki, Avstraliyanın terrorizmlə mübarizə polisi ölkənin böyük şəhərləri Sidney və Melburnda xüsusi əməliyyat apararaq 17 nəfəri tutmuşdur. Axtarış zamanı polislər kimyəvi maddələr və külli miqdarda odlu silah müsadirə etmişlər.

Ölkə rəsmiləri tutulanlar arasında Üsəma ben Ladenin ən yaxın adamının olması barədə məlumat vermişlər. Əbu Bəkr adı altında tanınan Əlcəzair və Avstraliya vətəndaşı Əbdül Nasir Bendrika terrorçu qruplarla əlaqədə şübhəli sayılan şəxs kimi hələ 1989-cu ildə həbs edilmiş və həbsxanada bir neçə ay qaldıqdan sonra azadlığa buraxılmışdı.

Melburnda həbs edilərkən ona qarşı irəli sürülmüş ittihamlarla razılaşmayan Bendrika yalnız “müsəlman qardaşlarına Quranı öyrətdiyini” bildirmişdir.

AVSTRALİYADA BEN LADENİN YAXIN ADAMI HƏBS EDİLMİŞDİR

MÜƏLLİFLƏ ƏLAQƏ

Bölmənin digər xəbərləri