Avstraliyada “YouTube” yeniyetmələr üçün qadağan olunmuş sosial şəbəkələr siyahısına daxil edilib
Bakı, 30 iyul, AZƏRTAC
Avstraliya yeniyetmələri internetdəki zərərli məzmundan qorumağa yönəlmiş sosial şəbəkələrlə bağlı qanunun tətbiq dairəsini genişləndirib və 16 yaşdan kiçik uşaqlar üçün “YouTube” platformasına qadağa qoyur. Bu barədə AZƏRTAC xarici mediaya istinadla xəbər verir.
“Artıq 16 yaşdan aşağı olan şəxslər artıq “YouTube” hesabı aça bilməyəcəklər”, – deyə çərşənbə günü Baş nazir Entoni Albaneze bəyan edib.
Qeyd edək ki, əvvəllər “Alphabet” şirkətinə məxsus video platforması müəllimlər arasında geniş istifadə olunduğuna görə qadağa siyahısından istisna edilmişdi.
Xatırladaq ki, ötən il Avstraliya yeniyetmələr üçün sosial şəbəkələrin qadağan edilməsini təklif edən ilk ölkə olmuşdu.
Bölmənin digər xəbərləri
