Avtomobil Yolları Dövlət Agentliyinin rəhbərliyinin vətəndaş qəbulu təxirə salınıb
Bakı, 16 mart, AZƏRTAC
Azərbaycan Avtomobil Yolları Dövlət Agentliyinin (AAYDA) idarə heyətinin sədri Saleh Məmmədovun martın 17-də Yevlax rayonunda (Yevlax və Ucar sakinləri üçün), idarə heyəti sədrinin müavini Hüsnü Quliyevin isə Zərdab rayonunda planlaşdırılan vətəndaşların qəbulu qeyri-müəyyən vaxtadək təxirə salınıb.
Agentliyin İctimaiyyətlə əlaqələr şöbəsindən AZƏRTAC-a bildirilib ki, qəbul vaxtının təxirə salınması koronavirus infeksiyasının (COVID-19) qarşısının alınması istiqamətində Ümumdünya Səhiyyə Təşkilatının tövsiyə və tələblərindən irəli gələrək Azərbaycan Respublikası Nazirlər Kabineti yanında operativ qərargahın qərarı ilə ölkə ərazisində bir sıra təxirəsalınmaz tədbirlərin həyata keçirilməsi ilə bağlı açıqlanan qaydalara əsaslanıb.
Bölmənin digər xəbərləri
