Avtomobil yollarındakı vəziyyət açıqlanıb
Bakı, 24 fevral, AZƏRTAC
Azərbaycan Avtomobil Yolları Dövlət Agentliyi respublika ərazisində mövcud hava şəraiti ilə bağlı əsas avtomobil yollarının vəziyyətini açıqlayıb.
Agentliyin İctimaiyyətlə əlaqələr şöbəsindən AZƏRTAC-a bildirilib ki, fevralın 24-nə olan vəziyyətə görə, Bakı-Quba-Rusiya Federasiyası ilə dövlət sərhədi yolunda qar yağır, Quba rayonu ərazisində 15 santimetr qar var, şaxta 8-10 dərəcə təşkil edir. Xınalıq kəndi ərazisində 4-5 santimetr qar yağıb, 15-17 dərəcə şaxta var. Gecə saatlarından başlayaraq yolda nəqliyyat vasitələrinin normal hərəkətinin təmin olunması istiqamətində tədbirlər davam etdirilir.
Giləzi-Xızı yolunda qar yağır, 8-10 dərəcə şaxta var. Yoldan kənarda qarın hündürlüyü 10-15 santimetr təşkil edir. Gecə saatlarından başlayaraq yolda nəqliyyat vasitələrinin normal hərəkətinin təmin olunması istiqamətində tədbirlər görülür.
Bakı-Qobustan yolunda qar yağır, güclü külək əsir. Yolun kənarlarında 20-25 santimetr qar var. Gecə saatlarından başlayaraq yol qardan təmizlənərək qum-duz səpilib. Şaxta 5-7 dərəcə təşkil edir. Hazırda bu istiqamətdə işlər davam etdirilir, yolda nəqliyyat vasitələrinin hərəkəti təmin olunur.
Qobustan-Şamaxı-Muğanlı yolunda qar yağır, güclü külək əsir. Yolun kənarlarında 20-30 santimetr qar var. Şaxta 4-5 dərəcə təşkil edir. Gecə saatlarından başlayaraq yolun qardan təmizlənməsi və nəqliyyat vasitələrinin normal hərəkətinin təmin olunması istiqamətində tədbirlər davam etdirilir.
Muğanlı-Ağsu-Yevlax yolunda qar yağır, güclü külək əsir. Muğanlı ərazisində 15-20 santimetr qar, 5-6 dərəcə şaxta var. Ağsu dolaylarında 8-15 santimetr qar yağmış, yolun Ağsu-Ağdaş hissəsində 1-2 dərəcə şaxta var, yolda qar yoxdur. Gecə saatlarından başlayaraq yol qardan təmizlənib, qum-duz səpilib. Hazırda bu istiqamətdə işlər davam etdirilir. Yolda nəqliyyat vasitələrinin hərəkəti təmin olunub.
Bakı-Ələt-Hacıqabul yolunda qar yağır, güclü külək var. Yolun Bakı-Ələt hissəsində buz bağlamış hissələrə qum-duz səpilir, nəqliyyat vasitələrinin hərəkəti təmin edilib.
Hacıqabul-Ucar-Yevlax yolunda zəif qar yağır, yolda qar yoxdur, nəqliyyat vasitələrinin normal hərəkəti təmin olunub.
Yevlax-Gəncə-Qazax-Gürcüstan ilə dövlət sərhədi yolunda zəif qar yağır, yolda qar yoxdur, nəqliyyat vasitələrinin normal hərəkəti təmin edilib.
Muğanlı-İsmayıllı yolunda qar yağır, yolun kənarlarında 10-15 santimetr qar var. Güclü külək əsir, yolun 0-25 kilometr hissəsində, eləcə də meşə zolağında yerləşən hissəsində buzlaşma əmələ gəlib. Şaxta 3-4 dərəcə təşkil edir. Gecə saatlarından başlayaraq yol qardan təmizlənib, qum-duz səpilib. Hazırda bu istiqamətdə işlər davam etdirilir. Yolda nəqliyyat vasitələrinin hərəkəti təmin olunub.
İsmayıllı-Qəbələ-Oğuz-Şəki yolunda marşrutboyu qar yağır, güclü külək əsir, 2-3 dərəcə şaxta var. İsmayıllı və Qəbələ rayonları ərazisində 10-15 santimetr, Oğuz və Şəki rayonları ərazisində 2-3 santimetr qar var. Hazırda kənd yolları daxil olmaqla yolların qardan təmizlənməsi və normal hərəkətin nəmin olunması istiqamətində tədbirlər davam etdirilir. Yolda nəqliyyat vasitələrinin hərəkəti təmin edilib.
Şəki-Qax-Zaqatala-Gürcüstan ilə dövlət sərhədi yolunda marşrutboyu zəif qar yağır, güclü külək və 3-4 dərəcə şaxta var. Yolda nəqliyyat vasitələrinin normal hərəkətinin təmin olunması istiqamətində tədbirlər davam etdirilir.
Yevlax-Şəki (Göybulaq) yolunda qar yağır, yolda qar yoxdur, nəqliyyat vasitələrinin hərəkəti təmin olunub.
Gəncə-Daşkəsən-Xoşbulaq yolunda yağıntı yoxdur, 2-3 dərəcə şaxta var, nəqliyyat vasitələrinin hərəkəti təmin olunub.
Şəmkir-Gədəbəy yolunda yağıntı yoxdur, 5-6 dərəcə şaxta var, nəqliyyat vasitələrinin hərəkəti təmin edilib.
Ələt-Astara-İran İslam Respublikası ilə dövlət sərhədi yolunun Masallı-Astara hissəsində zəif qar yağır, yolda qar yoxdur. Yolda nəqliyyat vasitələrinin hərəkəti təmin olunub.
Masallı-Yardımlı yolunda zəif qar yağır, yolda qar yoxdur. Yolda nəqliyyat vasitələrinin hərəkəti təmin edilib.
Lənkəran-Lerik yolunda qar yağır, güclü külək əsir, şaxta 5-6 dərəcə təşkil edir. Gecə saatlarından başlayaraq yolda nəqliyyat vasitələrinin normal hərəkətinin təmin olunması istiqamətində tədbirlər görülür.
Hacıqabul-Bəhramtəpə-Horadiz yolunda zəif qar yağır, yolda nəqliyyat vasitələrinin hərəkəti təmin olunub.
Bölmənin digər xəbərləri
