Azadə Hüseynova: Suqovuşan istirahət parkının ikinci mərhələsi üçün layihə smeta sənədləri hazırlanır
Suqovuşan, 16 oktyabr, Leyla Muradzadə, AZƏRTAC
İşğaldan azad olunmuş ərazilərin yüksək turizm potensialı var və bu məqsədlə də Dövlət Turizm Agentliyi tərəfindən də turizm potensialı olan ərazilərdə işlər həyata keçirilir.
AZƏRTAC xəbər verir ki, bunu jurnalistlərə açıqlamasında Dövlət Turizm Agentliyinin sədr müavini Azadə Hüseynova deyib.
“Agentliyin işğaldan azad olunmuş ərazilərdə görüləcək işlər barədə ilkin planı turistlərin ehtiyaclarını ödəmək üçün infrastruktur işlərinin görülməsidir.
Bununla bağlı layihə smeta sənədləri hazırlanır. Gələcəkdə belə layihələrin həyata keçirilməsi Daşaltı və Hadrutda da nəzərdə tutulur", - deyə sədr müavini qeyd edib.
Onun sözlərinə görə, park üçün ayrılan vəsaitin ilkin müqavilədə nəzərdə tutulan məbləği təxminən 4 milyon manat olub. İkinci mərhələ üçün layihə smeta sənədləri hazırlanır.
A.Hüseynova, həmçinin bildirib ki, parkda fəaliyyət göstərən ictimai iaşə obyektlərində yerli əhalinin işləməsi nəzərdə tutulub.
Bölmənin digər xəbərləri
