AZEBİ ilə Avropa İttifaqı-Gürcüstan Biznes Şurası əməkdaşlıq memorandumu imzalayıb
Tbilisi, 5 mart, AZƏRTAC
Martın 5-də Tbilisidə Azərbaycan-Gürcüstan biznes forumu öz işinə başlayıb.
AZƏRTAC xəbər verir ki, tədbir çərçivəsində Azərbaycan İş Adamları Birliyi (AZEBİ) ilə Avropa İttifaqı-Gürcüstan Biznes Şurası arasında əməkdaşlıq haqqında memorandum imzalanıb.
Bildirilib ki, bu sənəd iki ölkə arasında iqtisadi əlaqələrin inkişafında, iş adamlarının qarşılıqlı investisiya qoyuluşunda və qarşılıqlı sərmayələrin həcminin artırılmasında mühüm rol oynayacaq.
Sənədi AZEBİ-nin sədri Nəriman Qurbanov və Avropa İttifaqı-Gürcüstan Biznes Şurasının baş katibi Zviad Çumburadze imzalayıblar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
