“Azerbaijan Dance Festival”ın sədri: Festival həqiqətən də yüksək səviyyədə keçirilir
Bakı, 2 noyabr, Günel Alıyeva, AZƏRTAC
Mən artıq üçüncü ildir Azərbaycan Rəqs Festivalında iştirak edirəm və bu müddət ərzində onun təşkili səviyyəsində təsirli irəliləyişin şahidi oldum. Bu gün festival həqiqətən də yüksək, qüsursuz səviyyədə keçirilir və dünyanın hər yerindən rəqqasların Bakıda toplaşması faktını böyük nailiyyət hesab etmək olar.
Bu barədə Dünya Rəqs Şurasının fəxri prezidenti və “Azərbaycan Rəqs Festivalı”nın sədri Robin Şort AZƏRTAC-ın müxbirinə müsahibəsində bildirib.
“Çıxışları qiymətləndirərkən əsas diqqət texnika və tempə verilir. Bütün cütlüklər çox gözəl hazırlaşıblar və mən əminəm ki, bizi həqiqətən də ilhamverici və parlaq çıxışlar gözləyir”, - deyə sədr qeyd edib.
Onun sözlərinə görə, bu cür festivallar rəqs icması daxilində dostluğu və birliyi möhkəmləndirir. Müxtəlif ölkələrdən olan rəqqaslar burada yeni dostlar tapırlar ki, bu da beynəlxalq mədəni əlaqələrin genişlənməsinə və xalqlar arasında isti, səmimi münasibətlərin formalaşmasına töhfə verir.
Bölmənin digər xəbərləri
