Azərbaycan boksçuları Türkiyədə təlim-məşq toplanışında iştirak edirlər
Bakı, 29 oktyabr, AZƏRTAC
Kişi boksçulardan ibarət Azərbaycan milli komandası Türkiyədə təlim-məşqləri davam etdirir.
Azərbaycan Boks Federasiyasından AZƏRTAC-a bildiriblər ki, Umberto Orta Dominqesin rəhbərlik etdiyi yığma Olimpiya təsnifat turnirləri üçün təlim-məşq toplanışını Kastamonuda keçirir.
Məşqçilər korpusu hazırlıq çərçivəsində 15 boksçunu yoxlayır. Noyabrın 16-da bitəcək toplanış Türkiyə və Rumıniya yığmaları ilə birgə təşkil olunur.
Qeyd edək ki, “Tokio-2020”-yə millimizin heyətində hələlik Tayfur Əliyev (57 kq) vəsiqə qazanıb.
Bölmənin digər xəbərləri
