Azərbaycan boksçusu Dünya Kubokuna qələbə ilə başlayıb
Bakı, 21 aprel, AZƏRTAC
Braziliyanın Fos-du-İquasu şəhərində boks üzrə Dünya Kuboku start götürüb.
AZƏRTAC xəbər verir ki, reytinq xarakterli yarışa Azərbaycan millisinin üzvü Nəbi İsgəndərov qələbə ilə başlayıb.
70 kiloqram çəki dərəcəsində mübarizə aparan təmsilçimiz ilk döyüşündə türkiyəli Necat Ekinçi ilə qarşılaşıb. Boksçumuz rəqibini 3:2 (30:27, 28:29, 30:27, 28:29, 29:28) hesabı ilə məğlub edib. İsgəndərov 1/8 finalda tacikistanlı Murodjon Aşuraliyevlə üz-üzə gələcək. Görüş aprelin 22-də olacaq.
Qeyd edək ki, Dünya Kuboku aprelin 26-da başa çatacaq.
Bölmənin digər xəbərləri
