AZƏRBAYCAN ENERGETİKLƏRİ İRANLI HƏMKARLARINA ASTARADA BİRGƏ MODUL STANSİYA TİKMƏYİ TƏKLİF ETMİŞLƏR
“Azərenerji” Açıq Səhmdar Cəmiyyətinin (ASC) mətbuat xidmətindən AZƏRTAC-a bildirmişlər ki, ASC-nin və “Təvanir” (İran) şirkətinin işçi qruplarının Bakıda keçirilən növbəti iclasında iki ölkə arasında enerji mübadiləsini 700 meqavata çatdırmaq barədə layihənin müzakirəsi zamanı milli energetiklərimiz iranlı həmkarlarına Astarada modul tipli yeni elektrik stansiyasının birgə inşasını təklif etmişlər.
Layihə qonşu ölkənin mütəxəssislərini maraqlandırmışdır. Onlar təklif barədə informasiya toplayacaqlarını, onun texniki və maliyyə aspektlərini öyrənəcəklərini, yalnız bundan sonra rəy verəcəklərini bildirmişlər.
Bölmənin digər xəbərləri
