Azərbaycan Güləş Federasiyası Silahlı Qüvvələrə Yardım Fonduna ianə edib
Bakı, 12 oktyabr, AZƏRTAC
Hazırda bütün ölkə ictimaiyyətinin diqqəti cəbhəyə yönəlib. Müxtəlif qurumlar, təşkilatlar və fərdi şəxslər bu və ya digər qaydada hərbçilərimizdən maddi-mənəvi dəstəyini əsirgəmir.
AZƏRTAC xəbər verir ki, Azərbaycan Güləş Federasiyası (AGF) və bütün güləş ailəsi də cəbhədə döyüşlərin başladığı ilk gündən həssaslıq nümayiş etdirərək, Azərbaycan əsgərinə mənəvi dəstəyini göstərib.
AGF rəhbərliyi, federasiyanın əməkdaşları, yığma komandaların güləşçiləri, məşqçilər heyəti, həkimləri və masajçıları əmək haqlarının müəyyən bir qismini ordumuzun maddi-texniki təminatı üçün ayırıb və toplanan vəsait Silahlı Qüvvələrə Yardım Fondunun hesabına köçürülüb.
Bölmənin digər xəbərləri
