AZƏRBAYCAN GÜLƏŞÇİLƏRİ ODESSADA 1 QIZIL, 3 BÜRÜNC MEDALA SAHİB OLMUŞLAR
Bakı, 13 aprel (AZƏRTAC). Azərbaycan güləşçiləri Odessada yunan - Roma güləşi üzrə beynəlxalq turnirdə 4 medal qazanmışlar.
Odessanın faşist işğalından azad olunmasının 65 illiyinə həsr olunmuş yarışda Elvin Abbaslı (69 kq) bütün rəqiblərinə qalib gələrək qızıl medala sahib olmuşdur.
Digər güləşçilərimiz Şamil Mehdizadə (46 kq), Xəqan Aydayev (50 kq) və Röyal Mirzəyev (85 kq) bürünc medallara layiq görülmüşlər.
Azərbaycan yığması komanda hesabında 3-cü yeri tutmuşdur. İdmançılarımız yarışa Bakı Şəhər Gənclər və İdman Baş İdarəsi tərəfindən ezam olunmuşlar.
Bölmənin digər xəbərləri
