AZƏRBAYCAN İDMANÇILARI KİSLOVODSKDA 1 QIZIL, 1 GÜMÜŞ VƏ 1 BÜRÜNC MEDAL QAZANMIŞLAR
Bakı, 15 aprel (AZƏRTAC). Kislovodsk şəhərində keçirilən peşəkar əlbəyaxa döyüş idmanı üzrə ustalıq turniri başa çatmışdır. Azərbaycanın idman şərəfini Bakı Şəhər Gənclər və İdman Baş İdarəsi tərəfindən ezam olunmuş 3 idmançı qorumuşdur.
Azərbaycan idmançısı Budaq Məmmədov (63 kq) bütün rəqiblərini arxada qoyaraq turnirin qızıl medalına layiq görülmüşdür. Vüsal Bayramov (75 kq) gümüş, Samir Məmmədov (70 kq) isə bürünc medala sahib olmuşlar.
Komanda hesabında Azərbaycan yığması 2-ci yeri tutmuşdur. Rusiya komandası 1-ci, Əlcəzair yığması isə 3-cü olmuşdur.
Bölmənin digər xəbərləri
