AZƏRBAYCAN İDMANÇISI AŞİHARA KAYKAN KARATE ÜZRƏ DÜNYA ÇEMPİONATININ ƏN TEXNİKALI DÖYÜŞÇÜSÜ HESAB EDİLMİŞDİR
Bakı, 16 aprel (AZƏRTAC). Danimarkada aşihara kaykan karate üzrə dünya çempionatı başa çatmışdır. Çempionatda Azərbaycandan beş idmançı iştirak edirdi.
60 kq çəki dərəcəsində çıxış edən Səfa Cabbarov ölkəmizin yığma komandasında ən yaxşı nəticə göstərmişdir. Bütün rəqibləri üzərində parlaq qələbə qazanaraq dünya çempionatının qızıl medalına layiq görülmüş Səfa, həm də çempionatın ən texnikalı döyüşçüsü hesab edilmişdir.
57 kq çəki dərəcəsində çıxış edən Namiq Məmmədzadə yalnız finalda məğlub olaraq, gümüş medalla kifayətlənmişdir. Ramin Əvəzzadə və Pənah Qurbanov (hər ikisi 65 kq) bürünc medal qazanmışlar. Elnur Xəlilov isə yarışların əvvəlində zədələnərək mübarizəni dayandırmışdır.
Bölmənin digər xəbərləri
