Azərbaycan ilə Bəhreyn arasında ikitərəfli əməkdaşlıq planı imzalanacaq
Bakı, 25 dekabr, AZƏRTAC
Dekabrın 25-də Azərbaycan Respublikasının müdafiə naziri, general-polkovnik Zakir Həsənovun rəhbərlik etdiyi nümayəndə heyəti Bəhreyn Krallığına səfərə yola düşüb.
Müdafiə Nazirliyinin mətbuat xidmətindən AZƏRTAC-a bildiriblər ki, səfər çərçivəsində Bəhreyn Kralı, Müdafiə Qüvvələrinin Ali Baş Komandanı Şeyx Həməd bin İsa Al Xəlifə, Bəhreyn Müdafiə Qüvvələrinin baş komandanı, feldmarşal Şeyx Xəlifə bin Əhməd Al Xəlifə ilə görüşlərin keçirilməsi, Bəhreyn Hərbi Hava və Hərbi Dəniz Qüvvələri komandanlıqlarının, hərbi tibb müəssisələrinin ziyarət edilməsi, o cümlədən ikitərəfli əməkdaşlıq planının imzalanması nəzərdə tutulub.
Səfər dekabrın 27-dək davam edəcək.
Bölmənin digər xəbərləri
