AZƏRBAYCAN KANOEÇİSİ VALENTİN DEMYANENKO DÜNYA KUBOKUNUN III MƏRHƏLƏSİNDƏ 2 QIZIL MEDAL QAZANMIŞDIR
Azərbaycan Milli Avarçəkmə Federasiyasının mətbuat xidmətindən AZƏRTAC-a bildirmişlər ki, Polşanın Poznan şəhərində keçirilən kayak və kanoe qayıqlarında avarçəkmə üzrə Dünya Kubokunun III mərhələsinə yekun vurulmuşdur.
Yarışda 41 ölkəni təmsil edən 441 idmançı mübarizə aparmışdır.
Azərbaycanın avarçəkmə üzrə yığma komandası yarışda uğurla çıxış edərək 2 qızıl medal qazanmışdır. Hər iki medala kanoeçimiz Valentin Demyanenko sahib çıxmışdır. 25 yaşlı avarçəkənimiz bir nəfərlik qayıqda həm 200, həm də 500 metrlik məsafələrə yürüşdə bütün rəqiblərini qabaqlayaraq, fəxri kürsünün ən yüksək pilləsinə qalxmışdır. Bununla da idmançımız Dünya Kubokunun mərhələ yarışlarında qazandığı qızıl medallarının sayını 3-ə çatdırmışdır.
Bölmənin digər xəbərləri
