AZƏRBAYCAN KARATEÇİLƏRİ İSTANBULDA BEYNƏLXALQ TURNİRDƏ İŞTİRAK EDƏCƏKLƏR
Bakı, 14 aprel (AZƏRTAC). Aprelin 17-19-da İstanbulda karate üzrə 22-ci ənənəvi “Bosfor kuboku” beynəlxalq turniri keçiriləcəkdir. Turnirdə Azərbaycanı 22 idmançı təmsil edəcəkdir.
Kişilər arasında kumite üzrə yarışlarda Sənan Əliyev, Məharət Musayev (hər ikisi - 60 kiloqram), Vüqar Şirinov, Niyazi Əliyev, Məhəmməd Quliyev, Rüstəm Mədətov, Vüsal Mədətov (hamısı 67 kiloqram), Elmar Səlimov, Zeynal Mehdiyev, Şahin Hətəmov (hamısı 75 kiloqram), Amal Atayev, Ceyhun Ağasıyev (hər ikisi 84 kiloqram), Famil Səfiyev və Müşfiq Cəbrayılov (hər ikisi 80 kiloqramdan yuxarı) tatami üzərinə çıxacaq, qadınlar arasında yarışlarda isə Cəmilə Məmmədova, Nərgiz Mehdiyeva və Kəmalə İsmayılova (hamısı 55 kiloqram) mübarizə aparacaqlar.
Dəfələrlə dünya çempionu Rəfael Ağayev komanda yarışlarında çıxış edəcəkdir.
Kata üzrə yarışlarda ölkəmizi Elvin Eyvazov, Aydın Səfərov, Elvin Məmmədov və Adilə Qurbanova təmsil edəcəklər.
Bölmənin digər xəbərləri
