Azərbaycan karateçiləri Karate1 Gənclər liqasını 4 medalla başa vurublar
Bakı, 2 may, AZƏRTAC
Aşağı yaşlı karateçilərimiz Kiprin Limassol şəhərində keçirilən Karate1 Gənclər Liqasını 4 medalla başa vurublar.
Azərbaycan Milli Karate Federasiyasından AZƏRTAC-a bildiriblər ki, mükafatların ikisi qızıl, ikisi isə gümüş medallardır. Qızıl medalları komandamızın aktivinə Salman Salmanov və Vüsal Qənbərov (hər ikisi U-14) yazdırıblar. Rəşid Süleymanov (70 kq) və Rahib Əzim (+70 kq) isə 14-15 yaşlı yeniyetmələrin yarışında ikinci yerə sahib olublar.
Turnirdə 51 ölkədən 1612 karateçi iştirak edib.
Bölmənin digər xəbərləri
