AZƏRBAYCAN KİTABLARI MEKSİKA KİTABXANASINA BAĞIŞLANMIŞDIR
Vaşinqton, 28 yanvar (AZƏRTAC). Azərbaycanın Meksikadakı diplomatik nümayəndəliyi Heydər Əliyev Fondunun təqdim etdiyi kitabları - “Qarabağ həqiqətləri”, “La Mitomania Armenia” (ispan dilində), habelə Çingiz Fərzəliyevin “Azərbaycan əlyazmaları” antologiyasını Mexiko şəhərindəki İberoamerika Universitetinin nəzdində fəaliyyət göstərən Latın amerikasının ən böyük kitabxanalarından birinə bağışlamışdır.
Qeyd etmək lazımdır ki, İberoamerika Universitetində ABŞ-dan, habelə bir sıra digər Avropa dövlətlərindən 10 minədək tələbə təhsil alır. Həmin kitabxanada Meksikanın ilk mətbu nəşrlərinin originalları ilə yanaşı, XV əsrə aid kitablar da saxlanılır.
Şəfəq Akifqızı
AZƏRTAC-ın xüsusi müxbiri
Vaşinqton
Bölmənin digər xəbərləri
