AZƏRBAYCAN KOMANDASI AĞIR ATLETİKA ÜZRƏ DÜNYA ÇEMPİONATININ LİDERLƏRİ SIRASINDADIR
Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, Asif Məlikov 56 kq-dək, Əfqan Bayramov 69 kq-dək çəki dərəcəsində 13-cü olmuş, Turan Mirzəyev isə bu çəkidə 4-cü yerə çıxmışdır. Elxan Süleymanov 62 kq-dək çəkidə 23-cü yerlə kifayətlənmişdir. Bu idmançılar komandamıza üst-üstə 50 xal qazandırmışlar.
Qeyd edək ki, dörd ağır atletimiz hələ mübarizəyə başlamamışdır. Əgər onlar, eləcə də dünya çempionu Nizami Paşayev, hətta uğursuzluğa məruz qalsalar da, Azərbaycan yığma komandası indiki göstəriciləri ilə qarşıdakı Olimpiya oyunlarına azı üç lisenziya əldə edəcəkdir. İdmançılarımız altı lider sırasında qalsalar, altı lisenziyamız olacaqdır.
Bölmənin digər xəbərləri
