Azərbaycan Kuboku: Bu gün daha iki oyun keçiriləcək
Bakı, 19 dekabr, AZƏRTAC
Bu gün futbol üzrə Azərbaycan Kubokunun 1/8 final mərhələsində daha iki oyun baş tutacaq.
AZƏRTAC xəbər verir ki, ilk olaraq meydana “İrəvan” və “Araz-Naxçıvan” komandaları çıxacaq. “ASK Arena”da keçiriləcək qarşılaşma saat 13:00-da başlayacaq.
Günün digər oyunu isə Qəbələ şəhər stadionunda start götürəcək. “Qəbələ” “İmişli”ni qəbul edəcək. Bu görüş saat 16:00-da başlayacaq.
9 dekabr (çərşənbə axşamı)
13:00. “İrəvan” - “Araz-Naxçıvan”
Hakimlər: Cavid Cəlilov, Kamran Bayramov, Sevda Nuriyeva, İslam Məmmədov
Hakim-inspektor: Ömər Paşayev
AFFA nümayəndəsi: Nəriman Axundov
“ASK Arena”
16:00. “İmişli” - “Qəbələ”
Hakimlər: Emin Əliyev, Pərvin Talıbov, Gülnurə Əkbərzadə, Səbuhi Bayramov
Hakim-inspektor: Rövşən Əhmədov
AFFA nümayəndəsi: Kifayət Mustafayeva
Qəbələ şəhər stadionu
Qeyd edək ki, dünən “Sabah” “Kəpəz”ə 4:3, “Sumqayıt” isə “Karvan”a 3:1 hesabı ilə qalib gələrək növbəti raunda vəsiqə qazanıb. Mərhələnin digər oyunları 20 və 21 dekabrda keçiriləcək.
Bölmənin digər xəbərləri
