Azərbaycan millisi bu gün Monteneqro yığmasının qonağı olacaq
Bakı, 21 oktyabr, AZƏRTAC
Qadın futbolçulardan ibarət Azərbaycan milli komandası dünya çempionatının seçmə mərhələsində bu gün növbəti oyununu keçirəcək.
AZƏRTAC xəbər verir ki, komandamız Podqoritsa şəhərindəki Təlim-Məşq mərkəzində Bakı vaxtı ilə saat 16:00-da Monteneqro millisi ilə qarşılaşacaq.
Oyunu Bolqarıstandan olan hakimlər briqadası idarə edəcək. Görüşün baş hakimi Kristina Georgieva olacaq. Ona Yekaterina Marinova və Pavleta Raşkova kömək edəcəklər. Dördüncü hakim funksiyasını Kristiyana Guteva yerinə yetirəcək.
Millimizin yer aldığı qrupda 6 xalla Danimarka və Rusiya milli komandaları ilk iki pillədə qərarlaşıblar. Xal qazana bilməyən Azərbaycan yığması qrupda sonuncu yerdədir.
Bölmənin digər xəbərləri
