Azərbaycan millisinin qapıçısının Rusiya Super Liqasında debüt edəcəyi tarix müəyyənləşib
Bakı, 27 aprel, AZƏRTAC
Martda Rusiyanın "Torpedo" klubuna transfer olunan futzal üzrə Azərbaycan millisinin qapıçısı Rövşən Hüseynlinin debüt edəcəyi tarix müəyyənləşib.
AZƏRTAC xəbər verir ki, qolkiper aprelin 28-də Super Liqanın pley-off mərhələsi çərçivəsində "Qazprom-Yuqra" ilə keçiriləcək matçda komandasına kömək edəcək.
O, bu barədə Azərbaycan Futzal Federasiyasının rəsmi saytına açıqlamasında məlumat verib: “Artıq bütün sənədləşmə işləri tamamlanıb. Baş məşqçi aprelin 28-də debüt edəcəyimi bildirdi. Düzdür, pley-offda ilk oyununuz bu gündür, amma legioner limitinə görə bu görüşdə iştirak edə bilməyəcəyəm”.
Bölmənin digər xəbərləri
