AZƏRBAYCAN MİSİRDƏ KEÇİRİLƏN SƏRGIDƏ TƏMSİL OLUNMUŞDUR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, Misirin paytaxtı Qahirədəki Amerika Universitetində "Beynəlxalq gün" adlı sərgi keçirilmişdir. Sərgidə 25 ölkənin, o cümlədən Azərbaycanın mədəniyyəti və incəsənəti, o cümlədən milli kulinariyası təmsil olunmuşdur. Ekspozisiyada torpaqlarımızın 20 faizini işğal altında saxlayan ermənilərin vəhşiliklərini əks etdirən kitab və jurnallar, o cümlədən “Armenian Terror”, “Genocide”, “Khojaly” kitabları, DVD və CD disklər nümayiş etdirilmişdir. Misirdəki Azərbaycan Tələbə Cəmiyyətinin üzvləri sərginin qonaqlarına ölkəmiz haqqında ətraflı məlumat vermiş, DVD və CD disklərini Amerika, Böyük Britaniya, Yunanıstan, Finlandiya, Hollandiya, Çin, Yaponiya, Tailand, Pakistan, İraq, Hindistan, Səudiyyə Ərəbistanı, Bəhreyn, Fələstin və Misir təmsilçilərinə paylamışlar.
Bölmənin digər xəbərləri
