Azərbaycan Ordusunda koronavirusa qarşı mübarizə tədbirləri görülür
Bakı, 29 dekabr, AZƏRTAC
Azərbaycan Ordusunda koronavirusa qarşı mübarizə tədbirləri görülür.
AZƏRTAC xəbər verir ki, bunu Müdafiə Nazirliyinin mətbuat xidmətinin rəis müavini, polkovnik-leytenant Anar Eyvazov deyib.
O qeyd edib ki, Səhiyyə Nazirliyi ilə birlikdə görülən tədbirlər nəticəsində Azərbaycan Ordusunun şəxsi heyətinin 88 faizi koronavirusa qarşı birinci doza peyvəndi qəbul edib. Şəxsi heyətin 72 faizi ikinci, 8 faizi isə üçüncü doza peyvəndi qəbul edib. Koronavirus infeksiyası şübhəsi olan hərbi qulluqçular dərhal təxliyə edilir. Koronavirusa qarşı tədbirlər görmək üçün səyyar briqadalar yaradılaraq hərbi hissə və bölmələrə göndərilib.
Bölmənin digər xəbərləri
