AZƏRBAYCAN PƏHLƏVANLARI BEYNƏLXALQ TURNİRDƏN 1 QIZIL, 2 GÜMÜŞ, 4 BÜRÜNC MEDAL QAZANMIŞLAR
Azərbaycan Güləş Federasiyasından AZƏRTAC-a bildirmişlər ki, İranın Ərdəbil şəhərində beynəlxalq turnir başa çatmışdır.
Turnirdə yunan-Roma güləşçilərimizdən Tural Həsənzadə (42 kq) qızıl, Maarif Quliyev (54 kq) gümüş, Alim Əliyev (50 kq) və Elvin Əzizov (76 kq) bürünc medallara sahib olmuşlar.
Sərbəst güləşçilərdən isə Sədaqət Mehdipur (42 kq) ikinci, İsa Umudov (54 kq) və Ümid Məmmədov (58 kq) isə üçüncü yerləri tutmuşlar.
Yarışda çıxış edən Azərbaycanın yeniyetmələrdən ibarət sərbəst və yunan-Roma güləşi üzrə milli komandaları ümumi nəticədə 3-cü olmuşlar.
Bölmənin digər xəbərləri
